大家好！我是紀錄及獎勵董事趙嘉雄 (Simon), 剛過去的一季，社會飽受疫情衝擊，亦令彼此少了見面的機會，期待來季在不同活動上可跟大家多多交流。
大家好，我是Sarah，從2017年開始參與青商的活動，每一年我都會參與一個工作計劃，其實在工作計劃中，每次都會有想不到的時情發生，但是透過每件事情，我更能夠學習到多角度去思考及提升自已要進步的地方，而最重要的是能夠與會員建立友誼和長遠合作伙伴。
我係今年嘅執行副會長Priscilla (唔識讀我個名嘅叫我曹曹都得㗎)，正職係測量師，屋企四代代都住係屯門，係名乎其實的屯門牛。
今年三月沒有春暖花開嘅感覺，因為疫症下充斥着令人無奈的消息，無奈到令人覺得唔真實。喺慌亂嘅日子入面，幸好有因為參與咗抗疫的工作和半島的送贈抗疫物資的活動，喺做服務入面，搵返啲人與人的溫度和真實感。
雖然疫情令生活混亂，但其實可以好好利用生活嘅停頓點，”啲”起心肝做一啲平常唔會做的瘋狂事。所以作為”屯門牛”，三月份我就同朋友一齊踩單車挑戰由屯門踩入去馬鞍山，感受下屯馬線開通的真精彩。雖然中途滂沱大雨，周身濕晒咁踩55公里，反而更加有成功感。
希望最壞的時間已經過去，大家都一切安好
在2011年底參與青商知識講座後加入半島青年商會，於2012年成為正式會員。自此參與大大小小不同種類的工作計劃，其中最吸引的必定是國際事務領域，能認識世界各地的青商會員，並親身到當地拜訪及在香港接待他們，難忘的體驗。
我是上屆會長駱嘉安Kenny，同時是本年度培訓及發展委員會主席。青年商會透過舉辦不同類型及主題的活動，讓參與其中的會員學習籌備活動及領袖技巧，而培訓及發展委員會今年希望提升會員的主席技巧，有任何疑難可隨時向我查問！
大家好！我係Yuki！玉琦～
靜靜雞同大家講，其實我細個嘅時候好細膽，好怕試新嘢，連踩單車都唔識，體能又勁差，跑運動場2個圈都索晒氣。
大個咗反而好鍾意嘗試唔同嘅新事物，坐唔定，曾經從事人力資源管理接近10年，因為發現自己唔鍾意靜靜咁坐寫字樓工作，喺6年前毅然轉行加入保險理財行業，可以周圍去見唔同嘅人，同佢哋傾計，了解佢哋嘅故事。而我近年嘅嗜好係行山、跑步，細個嘅我一定估唔到我長大後，可以完成到馬拉松10公里、半馬、同毅行者100公里賽事，仲學識咗踩單車，雖然仲未學識游水，但好鍾意玩獨木舟同Wakeboard。除咗戶外活動，間中鍾意同朋友去Happy Hour，掟下飛鏢、篤下桌球，吹下水，一生一大樂事！期待疫情好轉可以同大家一齊行山、Happy Hour！
我是2022年會長Howard，大家亦可稱呼我做「半島肥仔」，我是2013年加入半島這個大家庭，我喜歡踩單車，享受迎風而來的感覺
大家好，我係副會長Terrance, 今年會務上負責督導領袖才能發展組 及 紀錄及獎勵組。平時既我，得閒時候都鍾意整番幾味 😂 所以都會抽時間上山下海去減番d 脂。除左會務之外，有興趣飲飲食食、行山划艇，都可以搵我架 ！
我是今屆會員事務董事任綽穎（Charmaine），係一位產業測量師，從事物業估值及發展工作。同時喜歡飲飲食食，愛酒、茶及咖啡，亦是一位咖啡師。
Older Posts