半島社區

by 半島小編

在2021年初參與青商知識講座後加入半島青年商會，由於熱衷於服務社會的活動，所以參與了2021年社會發展組《健康紅人 守護同行》的工作計劃，在疫情期間能夠幫助到一班照顧著，為他們提供一系列的減壓活動真的是一樣非常有意義且難忘的經歷，同時亦讓我決心繼續參與青商，進一步實現「服務社會、訓練自己」的精神。

Kristy Ting / April 13, 2022
#2022 #BA #BOD #HKPJC #商業事務組 #自我介紹

我們愛讀書-半島旗艦工作計劃 籌委會主席 陳廸峯： -個人解難能力高，情商極高，精於上傳下達溝通。 秘書 梁倩雯： -高效率的工作能力，處理秘書工作非常盡責及仔細。 宣傳及總務主委 鍾曉茵： -工作能力超班，做事仔細，工作效率高，多番細心提醒各人。 司庫及註冊主委 許值維： -投入度非常高。勇於接受挑戰，主動幫忙其他事務。 组别顧問 前會長阮淑勤參議員 :  -提供果斷而具建設性的提議，讓籌委會走少了很多冤枉路。 組别顧問張利敏參議員： -熱心推動團隊爭取好成績，在義賣過程中產生很大推動力，豐富的經驗分享。 祖國事務組別董事 凌偉聰: -擔任籌委會與董事局的溝通橋樑，協助主席好好帶領整個籌委會。

Edward Ng / April 12, 2022

【會員事務組】活動回顧：2022年度新春團拜暨二月份月會【虎進金來聚半島】 2022年度新春團拜暨二月份月會【虎進金來聚半島】於2月12日於線上圓滿舉行，讓會友在疫情下，仍能夠聚首一堂賀新春！當日節目有生肖運程預測，還有互動遊戲「猜猜畫畫」及「特別版估歌仔」，令氣氛高漲。活動獎品及獎金非常豐富，實現人人有份！

Charmaine Yam / April 12, 2022
#2022 #BOD #HKPJC #新年 #月會

Helloooooo！我係Chris，唔小心做咗副會長，為人怕羞低調，結果畀人起咗個花名叫「內斂小王子」。 曾經都講過，當年係一條濕滑的街道上識左一個人叫阿明，然後見到阿明 facebook 上面有好多照片入面的人個個都身穿燕尾服同漂亮既晚裝，好奇既小鹿不斷係我內心度亂撞。於是我就好八卦咁問阿明個個係咩組織咩活動，佢就答我係半島青年商會，然後就拖左我去參加半島既會員擴展活動，然後又唔小心咁入咗會。 入會數年，改善不少，獲益良多，酒量大增，交友無數，願這種開心能夠永遠延續下去，長長久久歲歲不休。

Chris Ng / April 12, 2022

我係今年嘅執行副會長Priscilla (唔識讀我個名嘅叫我曹曹都得㗎)，正職係測量師，屋企四代代都住係屯門，係名乎其實的屯門牛。 今年三月沒有春暖花開嘅感覺，因為疫症下充斥着令人無奈的消息，無奈到令人覺得唔真實。喺慌亂嘅日子入面，幸好有因為參與咗抗疫的工作和半島的送贈抗疫物資的活動，喺做服務入面，搵返啲人與人的溫度和真實感。 雖然疫情令生活混亂，但其實可以好好利用生活嘅停頓點，”啲”起心肝做一啲平常唔會做的瘋狂事。所以作為”屯門牛”，三月份我就同朋友一齊踩單車挑戰由屯門踩入去馬鞍山，感受下屯馬線開通的真精彩。雖然中途滂沱大雨，周身濕晒咁踩55公里，反而更加有成功感。 希望最壞的時間已經過去，大家都一切安好

Priscilla Tso / April 12, 2022

大家好！我係Yuki！玉琦～ 靜靜雞同大家講，其實我細個嘅時候好細膽，好怕試新嘢，連踩單車都唔識，體能又勁差，跑運動場2個圈都索晒氣。 大個咗反而好鍾意嘗試唔同嘅新事物，坐唔定，曾經從事人力資源管理接近10年，因為發現自己唔鍾意靜靜咁坐寫字樓工作，喺6年前毅然轉行加入保險理財行業，可以周圍去見唔同嘅人，同佢哋傾計，了解佢哋嘅故事。而我近年嘅嗜好係行山、跑步，細個嘅我一定估唔到我長大後，可以完成到馬拉松10公里、半馬、同毅行者100公里賽事，仲學識咗踩單車，雖然仲未學識游水，但好鍾意玩獨木舟同Wakeboard。除咗戶外活動，間中鍾意同朋友去Happy Hour，掟下飛鏢、篤下桌球，吹下水，一生一大樂事！期待疫情好轉可以同大家一齊行山、Happy Hour！

Yuki Ip / April 12, 2022
   



想加入我們

加入我們


訂閱電子報