大家知唔知咩係「M」品牌呢？
「M」品牌計劃其實係鼓勵及協助本地體育總會、私人及非政府機構舉辦更多大型嘅國際體育活動，並加以扶植，令有關活動可以持續舉行。各類符合審批準則嘅體育活動會獲委員會授予「M」品牌嘅認可，部分活動更加會獲得撥款資助。
而列入咗「M」品牌嘅廣為人知大型體育活動包括有渣打馬拉松、三項鐵人世界盃、國際七人欖球賽等等。
而剛剛於5月1日至4日在亞洲國際博覽館圓滿舉辦嘅有國際劍擊聯會花劍世界盃 – 中國香港，呢個亦都係香港首次舉行世界頂級嘅劍擊賽事，有超過30國家近400位選手來港參與賽事，而香港男子花劍隊張家朗、蔡俊彥、梁千雨及李逸朗於男花團體賽決賽奪得隊史世盃分站首面金牌！男子花劍展現咗香港運動員嘅堅毅鬥志同團結精神，出版事務組熱烈恭賀香港劍擊運動員獲得佳績，而其體育精神更值得我們去學習！
期待男花繼續為香港體壇創造更多歷史時刻！
