嘩嘩嘩！紫色嘅跑道呀！同半島青年商會嘅代表顏色係一樣呀！
呢個紫色嘅跑道其實係位於即將展開嘅 2024 巴黎奧運會主要競賽跑道嘅法蘭西體育場（Stade de France），取代咗常見嘅紅磚黏土顏色而覆蓋上薰衣草紫色嘅體育場，主要為用於田徑、跳躍和投擲比賽嘅賽道，以及用於技術賽事嘅深紫色賽道，但點解會選用史無前例嘅「紫色」呢？
巴黎奧組委與殘奧委嘅答覆係：「希望以從未使用過的原創色彩，呼應 2024 巴黎奧運會視覺識別系統中的紫色，在創造優雅、輕盈的溫暖感受外，更象徵法國多元且豐富的樣貌。」原來賽道嘅顏色係無任何官方規定，主辦方可以為跑道選擇任何顏色，除了顏色同以往有別之外，新賽道亦較以往更加環保，而且新設計嘅技術有望讓運動員創下更出色嘅表現，或者成為歷來最快嘅賽道呢！
快箭運動小隊會繼續為大家分享/報道運動最新消息，密切留意我哋最新消息之餘，都要記得一齊「全民運動」一齊建立健康生活！
