半島跑團 season 2
場地：深水埗運動場
時間：八點至九點半
温度：25.2°C
濕度96%
跑步先嚟落雨？連個天都唔鍾意我？ 其實落雨又有咩好驚喎！ 好開心今日依然有好多隊友出席，感受到你哋嘅認真，其實微雨不會影響訓練，反而籍此適應遇上比賽時下雨的心理準備。
有幾位隊友完咗訓練留低再學習，Amy 完咗留低想了解後腿肌肉的訓練，Nelson 直接自我虐待，好似砌多10個圈才肯收手，Kenneth 查詢有關全馬的訓練，所以隊友主動學習教練感安慰。
今日其實訓練頗為簡單，4圈 easy run 拉筋，加速跑，再衝400，衝100，core training 。不過我今日唔小心整親右腳四腳趾，所以今日講下鞋的重要性。
跑步其實最重要的裝備係對鞋，長跑鞋一般講求保護性強，亞洲人腳掌比較闊，如果發現自己係呢類型，買鞋要選寬鞋楦的，加上要買起碼大一個碼，因為長跑會令腳腫大，加上出汗令襪再脹大，要預留空間否則腳趾受壓太耐會爆甲。現在流行碳板鞋，加強跑手落地的回彈力，令跑手更省力及更「去」。但由於價錢不菲，平常練習是不需要的，可以留著比賽時才穿着。
至於短跑，我一般會選擇薄身的鞋，因為落地時不會因為鞋底厚抵消著地的反饋力量，釘鞋更加夠有效提升反饋力量，鞋的尺碼就要選剛剛好的和綁好鞋帶。
所以作為一個跑者，有五、六對跑鞋係好合理的，因為鞋也需要休息，如果你天天著同一對鞋，一來夏天流汗會發臭味會拿去清洗，另外每次跑完之後，鞋底也需要時間回復原狀，還有跑山鞋呢！
最後，我有輕傷的原因係…. 鞋帶沒有綁好，切記不要大意呀，因為魔鬼在細節中呀！
特別鳴謝班長wing 幫手整接力棒，可惜今堂用不著。
(跑團教練 – 前會長關啟亮參議員)
