半島跑團 season 2
場地：深水埗運動場
時間：八點至九點半
温度：26°C
濕度76%
準時開始訓練的方法就係早到10分鐘，八點正只係得三幾個。話說上季跑班約七點半開始，通常八點差不多齊。今季約八點開始，結果都係八點廿分鐘左右才叫做齊，往往錯過了部分熱身活動，我比較緊張團隊有否足夠的熱身，才能應付每周的重點訓練內容及更重要是減少受傷機會。距離青商運動會還有半個月的時間，如果能好好把握時間練習，必定有所提升。
經過三至五圈慢跑、static stressing、dynamic stressing 之後再加速跑一圈，主菜係 四人一組interval 連跑連休四分鐘跑五個圈。形式是四人一直線跑，起步後排最尾的人加速抽外圈上第一位，緊接著原來的第三位置變成第四人再加速同樣跑上第一位置，不斷重複🔁直至完成一圈。目的是互相追趕提升速度及訓練爆炸力，因為實際比賽時必須要加速過人才能獲得更好位置。
之後就加入4 x100接棒練習及100米起步方法，希望下堂有參與接力比賽的隊友可以出席，真係正式試一次。
最後，有人問我點解要跑全馬…其中一個原因
我：我報咗名跑10公里呀
朋友：幾好啊，郁下都好吖，10 K慢慢跑下行下都完成到嘅。
我：我報咗名跑半馬呀！
朋友：嘩好勁啊，你得嘅，練下你就冇問題啦！
我：我報咗名跑全馬呀！
朋友：What!! 全馬！啫跑幾多呀？
我：42.12公里囉。
朋友：你會唔會太勁呀！好利害，比我一定做唔到。真係，真心我真係唔咁想象，我行都行唔到啦！加油👏🏻！你真係好堅呀！
最後，你不需要很強才開始，但你要開始才變強。
