半島冇迫我跑馬拉松

經常有人問我點解要跑馬拉松啊？會唔會太誇張喇？我心里面確實是有少少沾沾的，能夠完成一次馬拉松實在是一個個人小小的成就。而然跑過之後才懂只要循序漸進練習九個月到一年，其實人人都可以做得到的。

我唔清楚究竟你因為咩原因而去做運動呢？
A. 呢排食多咗，要減肥。
B. 我就嚟結婚，想影婚紗相。
C. 唔小心禁錯左，報咗渣馬10公里賽事。
D. 公司迫我跑馬拉松。
E. 想個人健康啲，精神啲。
F. 陪朋友
G. 得閒冇嘢做

或者有其他的原因？恆常運動和運動帶來的好處種種相信應該沒有太多人會質疑，亦不需再多解。不過講左咁耐，你今日又做咗未啊？ 如果你都未曾開始又或者沒有恆心地去做運動，原因又係…
A. 呢排多會開。
B. 下個禮拜去旅行，返嚟就會開始。
C. 今日凍左，等暖返少少先。
D. 呢排熱左好辛苦，等涼少少先。

E. 今晚落雨個地下濕，驚跣親 。
F. 近排心情唔好，工作壓力大，等好返啲就去跑下。
G. 太肥，我先減咗就開始join大家一齊做運動。
H. 因為驚傷膝蓋。
I. 太早起唔到身。
J. 半島跑團的團友太快跟唔到，等我操返fit 啲先開始。
K. 要交人
L. 屋企住太遠方便
M. 交通唔方便
N. 因為…
O. 同埋因為…
P. 加上咩同咩
Q. 其他
R. 以上皆是？

能夠有一班朋友一齊訓練，正所謂一班人跑得遠，總比一個人自己練習的好。但如果甚麼事靠別人鼓勵、激勵、推動才能開始，一般都比較難持久，到頭來都只是空談。 我願望更多人找到並獲得運動帶來的好處，我更希望自己一直可以跑到90歲甚至更久。

(跑團教練 – 前會長關啟亮參議員)