IA隨意門系列之「台中我黎啦」
正所謂「一日不見，如隔三秋」，我地同台中姊妹會既會友自年頭視像一別，都已經半年無見，適逢台中亞太大會如箭在弦，於是我地半島喺7月22號既時候，同台中再進行一次視像會議！亦可以襯此機會互相對今年推出既工作計劃交流一番。
今次見面報名既人數非常踴躍！雙方都多達二十幾人，呢個四十幾人既聚會，大家都非常興奮，除左見番老朋友可以談笑風生之外，大家都就對方既工作企劃提出唔少意見同經驗分享。尤其係疫情籠罩台灣的情況下，佢地都好想了解下半島呢兩年各方面既規劃同應變，我地自然傾囊相授，將我地所知所懂既經歷都同姊妹會分享，實行「順逆同行，乘風飛翔」！
會議係一片依依不捨既聲音下完結，期望疫情盡快完結，等我地可以除低口罩，再一次在同一片土地上與姊妹會聚首一堂，願各人身體健康，順心平安！
想玩，從來都由國際事務出發！
近期文章
